Een décke Merci all deenen, déi haut bei eisem Velos-Tour duerch all (!) Gemengen vum Réidener Kanton derbäi waren, an duerfir gesuergt hunn, datt mir dem Televie konnten nomëttes een Don vun 770 EUR maachen.

Ongeféier 120 Leit waren moies bei herrlechem Summerwieder um Départ am Préizerdaul, dorënner och eisen Sportsminister, den Här Romain Schneider.

An wierklech verstännegem Tempo ass déi ganz Streck gefuer ginn, an sou munschereen huet haut de Moien puer nei kleng Weeër entdeckt. Och wann grad déi kleng Weeër munneschmol d'Ursach duerfir waren, datt dee grousse Grupp net ëmmer konnt ganz regelméisseg fueren (ettlech Kéieren, Tracteur, asw.). Mä wéi gesoot, et gouf jo verstänneg gefuer, a kuerz drop war ëmmer nees alles beieneen.

Zu Réiden war dann, wéi geplangt, den reichlechen Ravi an eng kleng Paus vun enger gudder halwer Stonn.

Eppes manner grouss war dunn de Grupp deen am 2. Deel an d'Bierger gefuer ass..... (OK, net jiddereen konnt/wollt quasi de ganzen Daag fir dëss Televie-Aktioun opferen).

An och hei hu mir et fäerdeg bruecht quasi den kompletten Peloton déi laang Montée rop vun Colpach bis op Flatzbour, an duerno och vun Arsdorf iwwer Heispelt bis op den Napoleonsgaart zesummen ze haalen.

Fir eng gudd Ambiance a vill Gespréich ënnerwee hunn natierlech dat schéint Wieder an dee flotten Terrain mat schéine Vue'en gesuergt.

Zum Schluss nach ee Patt an/oder eng Mettwurscht zu Réiden, an den Televie-Velos-Daag war (fir eis) gelaaf.

D'Photo'en sin och elo am Album ze fannen