Cyclocross Mondorf – 22.12.2019

(RTL.lu) Lex Reichling dominéiert Course zu Munneref
De Coureur aus dem Préizerdaul ka sech géint säi gréisste Konkurrent Scott Thiltges behaapten, deen op déi 2. Plaz fiert a Leader am General bleift.

Virun der Course waren de Scott Thiltges, dee bis elo 4 Victoirë feiere konnt, an de Lex Reichling, sengersäits mat 3 Victoiren, déi 2 grouss Favoritten op d’Victoire zu Munneref.

Bei den Hären huet sech 3 Woche virum Championnat de Lex Reichling seng 4. Victoire an dëser Saison konnte sécheren. Hie setzt sech no enger iwwerzeegender Leeschtung souverän virum Scott Thiltges an dem Fransous Victor Thomas duerch. De Scott Thiltges bleift duerch seng 2. Plaz Leader am Skoda Cross Cup.

De Lex Reichling fiert iwwerdeems en Donneschdeg eng Weltcup-Manche zu Zolder an der Belsch als Virbereedung op déi nächst Cyclocrossen.

Bei de Junioren huet de Léo Kraemer d’Course iwwer 11 km gewonnen. Op d’Plazen 2 an 3 sinn den Geoffrey Rausch an de Jo Schmitz gefuer.

Bei de Masters war déi éischt Plaz fir de Raphael Pierron virum Tom Flammang, deen elo neien Leader am General ass.
Hei d’Resultaer vun de Tooltime Coureuren :

37 coureurs au départ

1. Lex REICHLING 55’01“
15. Maurice THILL +7’24“
28. Philippe GOESSENS à 1 tour
29. Alec LANG à 1 tour
35. Tom HERMES à 1 tour

20 coureurs au départ

1. Raphael PIRRON 44’49“
20. Pascal FRANSISSI à 2 tours

Cyclocross Warken – 15.12.2019

(RTL.lu) De grousse Favorit Lex Reichling, deen déi läscht 3 Coursen fir sech entscheede konnt, misst sech engem staarke Scott Thiltges geschloe ginn.

De Scott Thiltges huet bei den Hären de Regionale Cyclocross zu Waarken gewonnen a bleift domadder de Leader am Skoda Cross Cup. Den Alzenger hat eng Avance vu 6 Sekonnen op de Lex Reichling aus dem Préizerdaul. Um Podium stoung nach de Fransous Loïc Bruetsch mat engem Réckstand vun iwwer 3 Minutten. Beschten Espoir war de Raphael Kockelmann als 4.

Bei de Junioren huet de Mats Wenzel gewonnen. Op d’Plazen 2 an 3 sinn den Noé Ury an den Tom Paquet gefuer.

Bei de Masters war déi éischt Plaz fir den Tom Flammang.
Hei sin Resultater vun den Tooltime Fuerer:

30 coureurs au départ

1. Scott THILTGES 53’26“
2. Lex REICHLING 53’32“
9. Felix SCHREIBER 59’41“
11. Maurice THILL 1.01’27“
ab. Alec LANG

Cyclocross Préizerdaul – 08.12.2019

(RTL.lu) Lex Reichling feiert 3. Victoire hannerteneen
Um Sonndeg gouf am Préizerdaul eng Course vum national Championnat gefuer. De Podium gouf komplettéiert vum Loic Hennaux a Scott Thiltges.

Bei den Hären gouf et déi 3. Victoire hannerteneen fir de Lex Reichling (VV Tooltime) an dat op senger Heemstreck am Préizerdaul. Zweeten gëtt de Belsch Loïc Hennaux (Team Off Road Colnago) mat engem Retard vun 48 Sekonnen virum Scott Thiltges (LG Alzingen).

Leader am Skoda Cross Cup bleift de Scott Thiltges.

Bescht Damm gouf d’Marie Schreiber (CT Atertdaul) mat engem Virsprong vu 14 Sekonnen virum Elise Maes (Torelli Assure).

Bei de Junioren konnt sech de Mats Wenzel (CT Atertdaul) virum Tom Paquet (UC Dippach) an dem Arno Wallenborn (LP Schëffleng) duerchsetzen.

Bei den Debutante war op en Neits de Mathieu Kockelmann de Séiersten. Um Podium stoungen nach den Noa Berton an den David Lang.

Bei de Masters gewënnt de Mario Matijevic virum Raphael Pierron an dem Christian Weyland.

Hei sin d’Resultater vun all de Tooltime Coureuren :

39 coureurs au départ

1. Lex REICHLING 54’51“
8. Felix SCHREIBER +3’32“
20. Maurice THILL +7’23“
23. Jacques GLOESENER +8’07“
25. Philippe GOESSENS à 1 tour
29. Alec LANG à 1 tour
36. Tom HERMES à 2 tours

17 coureurs au départ

1. Mario MATIJEVIC 38’56“
17. Pascal FRANSISSI à 2 tours

Cyclocross Mamer – 01.12.2019

(RTL.lu) Lex Reichling setzt sech zu Mamer duerch
Zweete gouf de Scott Thiltges virum Victor Thomas aus Frankräich.

Bei der Elite konnt sech de Lex Reichling d’Victoire beim regionale Cyclocross zu Mamer sécheren. De Coureur vum VV Tooltime hat um Enn 17. Sekonnen Avance op de Scott Thiltges. Drëtte gouf de Victor Thomas aus Frankräich. De Vincent Dias Dos Santos, dee sech esouwuel 2017 ewéi och 2018 d’Victoire séchere konnt, koum um Enn op déi 7. Plaz.
De Raphaël Kockelmann war als 5. beschte Lëtzebuerger Espoir, Séiersten Damm war d’Marie Schreiber.

Hei sin Resultater vun den Tooltime-Coureuren :

36 coureurs au départ

1. Lex REICHLING 51’09“
23. Alec LANG à 1 tour
30. Philippe GOESSENS à 1 tour
32. Jacques GLOESENER à 1 tour
35. Tom HERMES à 2 tours
ab. Maurice THILL

26 coureurs au départ

1. Christian WEYLAND 47’43“
22. Pascal FRANSISSI à 2 tours

Cyclocross Cessange – 24.11.2019

(RTL.lu) No senger 2. Plaz de leschte Weekend konnt sech de Préizerdauler e Sonndeg zu Zéisseng virum Scott Thiltges behaapten.

De Lex Reichling huet e Sonndeg beim regionale Cyclocross zu Zéisseng d’Course bei der Elite gewonnen. De Préizerdauler hat um Enn eng Avance vun 8 Sekonnen op de Scott Thiltges an 20 Sekonnen op de Fransous Scott Thomas, deen éischten Espoir gëtt.

De Lëtzebuerger Champion Vincent dias Dos Santos ass als 4. op 23 Sekonnen iwwert de wäisse Stréch gefuer.

De Scott Thiltges bleift Leader am Skoda Cross Cup.

Bei den Debutante gouf et eng weider Victoire fir de Mathieu Kockelmann. De Keeler dominéiert jo schonn déi ganz Cyclocross-Saison. Um Podium stoungen nach den Noa Berton an de Mats Berns.

Déi beschten Damm war zu Zéisseng nees d’Marie Schreiber. Si huet sech virum Elise Maes an dem Nina Berton duerchgesat.

Hei sin Resultater vun den Tooltime Coureuren

47 coureurs au départ

1. Lex REICHLING 53’49“
15. Felix SCHREIBER +2’36“
25. Alec LANG +5’38“
32. Jacques GLOESENER à 1 tour
38. Philippe GOESSENS à 1 tour

 

1 2 3 4 5 33