Tooltime

Course Dilzen 1.14.3

4 vun eise Junioren waren op Dilzen an Belge eng Course fueren. Ze fueren waren 80km. Um Start waren 50 Coureuren, dovun sin der 32 ukomm. Et war eng schnell Course (41,90km/h) wou eis Jongen och nach durch en Donnerwierder gefuer sinn. Eng ganz goudd Performance vum Felix Schreiber deen sech als 6. an engen eischten Verfolgergrupp klasséiert huet, daat op 1’27“ hannert dem Gewënner aus den USA (Gage Hecht). De James Bindels ass op 4’05“ an engem 3. Grupp komm an huet sech als 25. klasséiert. Net esou gut ass et fir de Philippe Leclerc an de Maurice Thill gangen. Sie sinn virzéiteg als DNF erausgeholl gin.

Hei sin e puer Resultater vu Coursen wou Tooltime Coureure gefuer sin.

Longchamps (B) 1.18  : Hei ass de Lex Reichling de 7. ginn bei der Elite A vun 45 Coureruen um Start. Dës Course huet fir Belge Championnat bei den Amateurs gezielt sou dass d’Junioren net zougeloos waren. Dofir konnt de Felix, James an Maurice in extremis net un den Départ goen.

Neufville (B) 1.14 : Hei ass de Philippe Leclerc den 9. gin, vun 24 Coureuren um Start. Ze fueren waren 89km. Hien huet de Sprint vun der eischter Verfolgergrupp gewonnen op 6’51“ hannert dem Gewënner.

Op der Course zu Saint-Léger huet den Loïc Bettendorff  bei den Débutants eng 1. Plaatz gemach. Hien huet sech am Sprint geint 3 aaner Coureuren durchgesaat, an d’Course gewonnen.

Bei de Minimes 12J ass Caroline Reuter daat 14. gin, eischt Meedchen (op 1. Tour), an bei der Course Minimes 13J huet Marie Schreiber eng 4. Plaatz gemach, daat just op 14“ hannert dem Gewënner. D’Marie ass och daat eischt Meedchen gin.

Bei den Aspirants (Cadets) ass de Philippe Reuter den 3. ginn. Hien ass an der selwechter Zäit wei de Gewënner iwer den Strëch gefuer.