Tooltime

Bei der Elite- an Espoircourse waren eng 50 Coureuren um Depart. D’Konkurrenz fir d’Lëtzebuerger Coureure koum aus der Belsch an aus Frankräich, wou jo den Ament wéinst der sanitärer Situatioun net vill Coursse gefuer ginn.

An déi Konkurrenz zitt den Niveau vun de regionale Crossen hei am Land am Moment zolidd an d’Luucht. Beim Keeler Cross ass e gudden Depart wichteg fir an deene kniwwelege Bëschpassagen eng gutt Positioun ze hunn. Am Beschte war de Belsch Thomas Verheyen fortkomm. De Vainqueur vum Dippecher Cross de leschte Weekend gehéiert zu den Top-Amateure bei eisen Noperen a stoung d’Lescht Joer um Podium vum belschen Amateur-Championnat. 3 Stonnen am Auto fir op den Depart an der nees 3 fir nees heem hëlt de Verheyen a kaf, fir eng Kompetitioun kënnen ze fueren.

Hannert dem Verheyen huet sech am 2. Tour de Scott Thiltges op der 2. Plaz festgebass a konnt den Ecart géint dee staarke Géigner an den éischten Tier op Ronn 15 Sekonne stabiliséieren. De Champion Lex Reichleng konnt dee Rhythmus net matgoen a gouf vun engem Grupp vu Fransousen a Belsch agefaangen, fir um Enn 7. ze ginn. D’Ecarten op dee Grupp goufen awer ëmmer méi grouss, sou datt Verheyen an Thiltges op den zwou éischte Plazen ni a Gefor waren.

No 50 Minutte Course konnt de Verheyen d’Ärem hiewen a sech feiere loossen. De Scott Thiltges ass mat bësse méi wei enger Minutt Retard iwwer d’Linn gefuer. Och de jonke Mats Wentzel an den Eric Meyers sinn eng gutt Course gefuer a klasséiere sech an deem staarke Peloton op de Plazen 10 an 11. No 2 Woche Paus soll et dann am November mam Téitenger Cross wieder goen.

D’Resultater vun de Tooltime Coureuren

De positiven Trend vun den Aschreiwunge gouf et och bei deene Groussen. 48 Participanten ënnert hinne 14 Auslänner ware bei dësem Grand-Prix Gibbes Schmartz um Depart op dësem ganz schwéiere Circuit, deen d’Coureure 6 Mol gefuer sinn. Mat um Depart och de Cédric Pries, deen de leschte Sonnden zu Brouch 3. gouf.

Hien a séin Teamkolleeg Loïc Bettendorf hunn den Toun am 1. Drëttel vun der Course uginn. Séier ware si dës 2 Tier ugaangen. De Cédric Pries huet dës Efforte bei knapp hallwer Course bezuelt an huet misse lass loossen. Hie gëtt um Enn awer ganz gudde 5. 28 Sekonnen hannert dem Vainqueur a war um wäisse Stréch alles anescht wéi enttäuscht

De Lëtzebuerger Champion bei den Espoiren huet no déck hallwer Distanz säin Ufankstempo misse reduzéieren. Hie gouf du vum Thomas Verheyen iwwerholl, deen hie ganz séier distanzéiert huet. De Coureur vu Leopard Pro Cycling ass zu sengem Nodeel dunn och nach 2 Mol liicht gefall, esou dass hien am Sprint vun 2 Belsch ofgefaange gouf. Hie klasséiert sech als gudde 4. a war dee séiersten Espoir.

Den Thomas Verheyen ass déi 2. Hallschent vun dësem Cyclocross eleng un der Spëtzt gefuer an huet säi Virsprong ganz gutt geréiert. Matt 19 Sekonnen Avance ass de Belsch iwwer d’Arrivée gefuer. Als beschte Lëtzebuerger Elite klasséiert sech de Scott Thiltges vun Alzeng als 6. op 1 Minutt an 20 Sekonnen, iwwerdeems de Lëtzebuerger Champion Lex Reichling aus dem Préizerdaul net iwwert eng 13. Plaz erauskomm ass.

Hei sin Resultater vun de Tooltime-Coureuren: