Eis Coureuren hun zu Bech excellent Resultater errecht.
Bei den Junioren gouf den Maxime WEYRICH den gudden 3.
Bei der Course Elites/Espoirs :
> Mike DIENER 4. ( 1 Letzeburger)
> Luc TURCHI 6. ( 1 Espoirs an 2 Letzeburger)
> Michel HUBSCH 21. ( 3. Espoirs)
Course Débutants Sint-Joris-Weert
D’Débutant’en waren de Samsteg 26.04 zu Sint-Joris-Weert (B) am Asaatz. Ze fueren waren 66km (10X6.6). Um Start waren 69 Coureuren. Op zimmlech flachem Parcour mat enger klenger Montée am Pavé ass keng Echappé fortkomm an et ass zu engem Massesprint komm. Hei konnt de Felix Schreiber eng excellent 3. Plaatz erausfueren. De Gilles Roulling war och gut plazéiert an ass de 7. gin. De Sam Prickaerts ass an der leschter Kéier durch eng Chute behënnert gin an ass zéitgleich den 34. gin. De Maurice Thill ass op 3 Minuten den 45. gin. Hien ass an der 8 Ronn lachéiert gin an dun erausgeholl gin. De Philippe Leclerc huet missten an der 4. Ronn lassloossen an ass als DNF klasséiert gin.
Och ze erwähnen ass dass de Felix an der 3 Ronn e Sprint gewonnen huett mat der Virarbecht vum Maurice, esou och de Gilles deen e Intermediaire Sprint mat der Heellef vum Felix gewonnen huet.
Den éischten RDV vun der néier Saison 2014 huet sech ungekennecht. Den Cross Duathlon vun dem CAB (Bieles) ass ëmmer eng flott Geleeënheet fir een éischten Formtest ze maachen, an esou ze kucken ewéi mir iwwert den Wanter geschafft hunn.
Am ganzen waren 10 Athleten vum VV Tooltime un dem Start. Stréck wor net déi einfachst well et awer an der leschter Zait vill gereent hat.
Dat huet eis Jongen an Meedercher awer net gestéiert, an Sie hunn gewissen wat si drop hunn.
Cross-Duathlon Bieles
Resultat wor dass den Fynn Ury seng Kategorie gewonnen huet, an den Rick Meylander hei op eng super drëtten Platz gefuer ass. An der Kategorie vun den Kids A (Meedercher) woren et dann och erëm 2 Tooltimer déi um Podium stoungen. Caroline Reuter op der éischter Platz an Marie Schreiber op der 3 Platz. An der selwechter Kategorie ass et bei den Jongen dann den Noé Ury den op déi gutt 3 Platz komm ass.
An der nexter Kategorie ewou den Niveau ganz héisch wor, huet den Phillipe Reuter et mat enger super Course faerdeg bruecht op déi dretten Platz ze fueren, direkt op der ondankbarer 4 Platz dann den Loic Bettendorf. Hien kann sech awer déi schnellsten Veloszait opschréiwen.
An och alleguer déi aner Athleten woren super Ënnerwee. Esou dass wann een den Bilan kuckt een sech op déi nei Saison kann frehen.
All wieder Fotoen sinn am Album ze tannen
D’National Championnater vum Cyclocross 2014 waren e Succès fir eise Verain. Op engem Circuit deen net einfach ze fueren war, mat vill Bulli durch deen Reen vun de leschten Deeg hunn sech eis Coureuren excellent geschloen. Hei e klenge Résumé :
Felix Schreiber Champion Cyclocross 2014
Bei den Débutanten ass de Felix Schreiber Champion ginn. Nodem hien op op der Stroos bei de Cadets e Meschtertitel an der Täsch huet, huet hien zu Zësseng eng zweete Keier zougeschloen! Direkt vum Depart un konnt hien sech zesummen mat 3 aaner Fuerer vun Dippech oofsetzen déi d‘Course an Hand geholl hunn. Nodeem hien e beschen distanzéiert ginn ass, ass hien awer erem komm, an konnt een no dem aaneren vun sengen Adversären eliminéieren. Am leschten Tour och séin direkte Konkurrent den Tristan Parrotta vun Dippech op e puer Meter distanzéieren. Féliciatoun un de Felix. Hien därf elo den Nationaltrikot déi ganz nächste Saison droen. An der Course vun den Débutanten, konnten sech de Gilles Roulling eng gutt 12 Plaatz erausfueren. Eng gutt Performance vum Philippe Leclerc deen déi 17 Plaatz kritt huet. Den Ben Franck ass 18 ginn an de Maurice Thill den 22. vun 25 Konkurrenten um Start.
Bei de Junioren waren 2 Coureuren aus dem Préizerdaul um Start. De Larry Valvasori huet eng gut Course gemaach, woubei hien e ganz schlechte Start haat. Hien ass de 6. ginn. De Joe Wirtz huet eng ganz konstant Course gefuer an ass op d’Plaatz 10 komm vun 19 Starter. Hei ass de Championstitel un de Ken Muller vun LG Alzëng gaangen .
Bei der Elite an Espoir’s Course waren mir mat 4 Coureuren vertrueden, nodems den Lex Reichling Forfait huet missen durch eng Knéiblessure erklären. Dass mir hei mat engem Championstitel net gerechent hun war evident, well den Christan Helmig bei der Elite an den Massimo Morabito bei den Espoiren waren d’Favoriten, an hunn och den Championstitel geholl. Eng super Performance bei den Espoirs, als Vize-Champion, huet de Luc Turchi gemaach. Hien huet et färdech bruecht fir d’Pace vum Tom Flammang (2. Bei der Elite) iwert ganz Course ze haalen an den Scott Thiltges vun Alzeng op Dizanz zehaalen. De Luc ass 4. vun der Course an 2. Espoirs ginn. Super. Feliciatioun Luc ! Den Alec Lang ass 5. Espoirs (9. An der Course) ginn an huet ebenfalls seng gutt Form ënnerstrach déi hien aus deen leschte Crossen bewissen huet. De Sven Fritsch ass 6. Espoirs ginn (14. An der Course). Bei der Elite ass de Mike Diener op déi 17. Plaatz komm. Hien haat Pech an huet durch e Platten vill Zäit verluer.
Als Fazit, huet den Tooltime Préizerdaul op dësen Nationalen Meeschterschaften iwwerzeegt, an huet erem positif vun sech an der Presse schwätzen gedoen. Feliciatioun un eise Champion de Felix bei den Débutanten , an de Vize-Championat Luc bei den Espoirs. E grousse Merci un den Tom an de Guy déi iwer déi ganz Cross-Saison d’Jongen trainert hunn.
Samstegtraining : all Samsteg 9h45 mam VTT
11.01.2014 Préizerdaul
18.01.2014 Bambesch
25.01.2014 Préizerdaul
08.02.2014 Bambesch
01.03.2014 Préizerdaul
08.03.2014 Bambesch
15.03.2014 Préizerdaul
22.03.2014 Bambesch
29.03.2014 Préizerdaul
Eise régionale Cyclocross am Préizerdaul huet de Laurent Didier (Profi bei Trek Factory Racing) gewonnen.
Déi schweier Streck ass dem Laurent entgéint komm a konnt besonnesch an der laanger Montée a an deene ville Relancen Differenz machen an sech virum Vincent Dias Dos Santos durchsetzen. Déi 3 Plaatz ass un den Dany Lacroix aus der Belge gaangen.
Bei schwéiere Conditiounen, zimmlech vill Bulli, waren bei der Debutants/Juniors-Course souwéi och bei der Elites/Espoirs-Course vill Coureuren um Start. Eis attrakiv Streck a besonnesch den Deel bei de Weieren (hanner der Sporthaal) mecht déi Sach ganz interessant, net nömmen fir de Coureur mée och fir den Zuschauer.
Zu enger ganz spannender Course ass et bei den Débutant’en komm. Hei huet sech den „Lokalmatator“ Felix Schreiber ganz kloer durchgesaat a bewisen dass mat him ëmmer ze rechnen ass. Op de weideren Plaatzen ass de Colin Heiderscheid op der 2. Plaatz an den Tristan Parrotta op déi 3. Plaatz gefuer (béid UC Dippach).
Gudd Performancen fir de Gilles Roulling (Plaatz 9), de Maurice Thill (Plaatz 12), de Philippe Leclerc (Plaatz 14), de Ben Frank (Plaatz 15).
Zu engem flotten Duel ass et bei den Espoire komm wou de Lex Reichling kurz virum Luc Turchi gewonnen huet. De drëtt Plaatz war fir de Skjoth Magnus Tholstrup aus Dänemark.
De Velosveräin Tooltime ass frou iwer déi grouss Präsenz vun de Coureuren an och bei de Spektateuren waat beweist dass de Cyclocross nach ëmmer populär ass. E grousse Merci un eis Sponsoren an un déi vill Helpers déi et erméiglecht hunn dës Manifestatioun esou flott ze gestalten.
